Si Ako, Pero Maari din Maging Kayo

Si Ako, Pero Maari din Maging Kayo
By: Mj Dela Cruz


Ako ay tutula, pero hindi mahaba
Dahil aking pipiliin para madaling  paikliin
Ang mga salitang na nasa isipan, na aking pinagsikapan
Dapat may laman kahit walang mapuntahan

Ako ay tutula, dadagan pa ang linya
Pero wala akong ideya sa kung paano ang tirada
Bagamat hindi makata, dapat tugma
Ang mga kataga, na nagmumutawi sa aking bunganga

Ako ay tutula, oo ako na ang bahala
Mahirap makipagtalo, sa ulong mapagtanto
Bagamat may naisip, ang puso naman ay sipsip
Kaya naghahalo, ang dapat mabuo at isa-ulo

Ako ay tutula,  saan na papunta
Wala na sa isipan,dahil sa nagkayayaan
Nasulsulan lang ni tropa para lang magdota
Ayun wala na sa direkyon, sayang lang ang  tuwisyon

Ako ay tutula, si nanay ay abala
Habang siya'y nagluluto, ako naman ay  nagmamando
Ng mga tropa sa coc, na dapat ako ay nagsisi
Ayaw bitawan ang telepono hayan at nasigawan at napangiwi

Akoy ay tutula, anung oras na
Malapit na ang susunod na klase pero ako'y nagsusulat pa
Kahapon ang pasahan ngunit ngayon lang pinagsikapan
Dahil si ako ay magaling  lang pag-oras na ng madalian.

Bow!! -_-

Filipino 01

Ito ay aking akda na tungkol sa aking natutunan sa aming guro na si Mam Vinluan. Base ito sa aking obserbasyon sa aming klase at sa aking pang-unawa sa asignaturang aming tinatalakay.

Malawak ang asignaturang Filipino, bagamat naituro na ito sa elementarya at hayskul, may mga talakayin paring komplikado para sakin at nalimut na dahil sa haba ng panahon ng aking paghinto sa pag-aaral. Sa pag iintrodaksyon ng aming guro sa asignaturang Filipino 01, nagbalik saakin ang mga leksyon na itunuro sa amin noong ako'y nasa mababa at sekondaryang paaralan, mula sa depenisyon ng wika hanggang sa pinaka huling talakayan sa nakaraan naming pagkikita. Hindi man polido ang aking pagka-alala dahil malilimutin din ako, natulungan naman ako ng aking guro upang alalahanin ulit ang mga talakayan tungkol sa aming asignaturang filipino01. at masaya ako dahil hindi lang sa asignatura ako natututo kundi dahil din sa kanyang pag-uugali. Masasabi kong magaling ang aming guro dahil ipinapakita ang kanyang "passion" sa pagtuturo  at mahal nya ang asignaturang kanyang tinuturo.

Reaksyon sa "Ang Huling Tula na Isusulat Ko para sa 'yo" na isinulat ni Juan Miguel Severo

Ako ay namangha sa tula na pinamagatang "Ang Huling Tula na Isusulat Ko para sa 'yo" na isinulat ni Juan Miguel Severo . Sa pamagat palang masasabi ko na, na ito ay tula na patungkol sa kalungkutan o sa nakasanayan nating salita na "Hugot" o may pinaghuhugutan. Sa umpisa ng kanyang tula mapapansin agad ang emosyon na nais nyang ilabas at ipabatid sa kaniyang tagapakinig. Bawat salitang  kanyang isinambit ay makahulugan na naka ayon sa kaniyang karanasan, at ang karanasan na ito ay pumapatungkol sa kaniyang pag ibig. Makikita sa ekspresyon ng kaniyang mukha ang saya na nadarama habang isinasambit ang  mabubuting kataga na pumapatungkol sa kaniyang iniirog na kalaunan napalitan ng lungkot, galit at hinagpis sa pag-siwalat ng kaniyang hinaing.

Mayroong transisyon ang kanyang paraan sa pag deliber ng tula. Mula sa magandang pangyayari hanggang sa masakit na karanasan. Mapapansin ito sa introdaksyon palang ng kaniyang tula. Sa paglarawan nya sa kaniyang kasintahan, masasabing hindi maganda ang kaniyang saloobin dito.
Sa pagpapatuloy ng kaniyang deliberasyon, higit kong naramdaman ang kanyang nais ipabatid. Sobrang bigat ng pinanggagalingan na nagdadala sakin upang maging seryoso sa aking pakikinig. Bawat linyang ibinabato, hinaing, hiling at iba pa ay tumatagos sa aking puso. Ang kanyang linya na "ayaw ko na maging mahalaga,... gusto ko ay mahalin", dito aking napagtanto na malaki ang pinagkaiba ng mahalaga sa pagmamahal. Na ang mahalaga ay nararapat o dapat na gawin at ito ay tumitingin lamang sa iisang panig ngunit ang pagmamahal ay tanggap ang tamis at pait ng buhay.

Mas lalong nagpamahangha sakin ang linyang "Patawarin mo ako sa hindi ko pag-tahan at patatawarin kita sa hindi mo pag luha", dito naramdaman ko ang karagdagang bigat ng aking pakiramdam. Medyo "sarcastic" ang dating nito at malalim ang kahulugan dahil  sa magkasalungat ang rason. Ang pinaka nagustuhan kong linya ay ang huling katagang sinambit niya "iniibig kita, at ubos na ubos na ako" matindi ang impak nito saakin dahil pagkatapos ng lahat ng kanyang hinaing at sa wakas pinakawalan na nya ang kaniyang sarili sa kaniyang paghihirap.

 Kung ihahambing ko si Juan Miguel Severo sa isang bagay, para syang isang "BOMBA". Bomba dahil mapapansin ang kanyang pagiging balisa at nais nang sumabog anumang oras. At sya nga ay nagtagumpay dahil  nailabas na nya ang matagal nang nakatagong bigat ng emosyon sa kaniyang puso.

Sa kabuuan, napakaganda ang nilalaman ng tula na talagang mapapadala ka sa iyong pakikinig, Ang paraan nya ng pag-dedeliber ay naayon sa emosyon na kaniyang inilalabas o pinapakita na lalo pang nagpatibay sa nais nyang ipabatid.